Klado

Un grupo monofilétiko ta kontené un antepasado komun i tur su desendiente: grupo di reptil i para.

Klado, tambe konosí komo grupo monofilétiko, ta un grupo natural di desendientenan ku un solo antepasado komun. Grupo monofilétiko ta deliniá pa estado di karakterístikanan kompartí nobo (apomorfia), pues e taksa (grupo taksonómiko) kontené den kalke grupo monofilétiko ta konsiderá mas estrechamnete relashoná ku kalke otro taksa klasifiká pafó di e grupo. Sinembargo, tambe tin gruponan di espesie ku no ta monofilétiko; esta, gruponan parafilétiko i polifilétiko.

Karakterístika (p.e., ekstremidat dilanti) di diferente organismo ku ta kompartí un antepasado komun i e kondishonnan eksklusivo (estado di karakterístika) ta e diferente formanan ku e karakterístika aki por wòrdu opservá: brasa (den hende) i ala (den para).

Notablemente, e no ta sufisiente ku organismonan ta kompartí karakterístika; en realidat, dos organismo por kompartí vários karakterístika i ainda no ta wòrdu konsiderá miembro di e mesun grupo. E rason ta ku e karakterístikanan aki por representá karakterístikanan no-modifiká (plesiomorfia) heredá for di nan antepasado, pues plesiomorfia no ta un karakterístika distinto pa un klado ku ta kompartí karakterístika "original" (òf primitivo). Plesiomorfia no ta deliniá un grupo natural.

Fuente, nota i/òf referensia